قومی کرکٹ ٹیم کے کپتان بابراعظم نے آئرلینڈ کیخلا ف سیریز جیتنے کے بعد بیان جاری کرتے ہوئے کہا کہ آئرلینڈ کے خلاف سیریز سے کارکردگی میں بہتری آئی ، پہلے میچ کے بعد ٹیم کی بیٹنگ میں کافی بہتری آئی ہے۔
تفصیلات کے مطابق بابراعظم کا کہناتھا کہ انفرادی کارکردگی میں رضوان اور فخر نمایاں رہے ، لوئر آرڈر میں افتخار اور اعظم خان کی بیٹنگ خوش آئند ہے، آنے والی سیریز میں بھی آپ کو مثبت ارادے نظر آئیں گے، بولنگ میں پہلے میچ کے بعد سینئر بولرز نے ذمہ داری لی ، عماد وسیم مشکل صورتحال میں بہت اچھی بولنگ کررہے ہیں، جو بھی پلان ہے اس پر اب عمل درآمد ہورہا ہے، کوشش ہوگی کہ انگلینڈ کے خلاف اسی مومینٹم کو برقرار رکھیں، انگلینڈ کے خلاف اچھی کرکٹ دیکھنے کو ملے گی۔
