سات پاکستانی کرکٹرز انگلینڈ میں ہونے والے T20 بلاسٹ ٹورنامنٹ میں اپنی صلاحیتوں کا مظاہرہ کرنے کے لیے تیار ہیں۔
میر حمزہ، ظفر گوہر، شان مسعود، اسامہ میر، حسن علی، عامر جمال اور محمد عامر کی انگلینڈ میں سب سے بڑے ڈومیسٹک ٹی ٹوئنٹی ٹورنامنٹ میں شرکت کی تصدیق ہو گئی ہے۔
بائیں ہاتھ کے فاسٹ میڈیم باؤلر میر حمزہ گلیمورگن کاؤنٹی کے لیے کھیلیں گے جبکہ بائیں ہاتھ کے اسپنر ظفر گوہر نے گلوسٹر شائر میں شمولیت اختیار کی ہے شان مسعود یارکشائر کی نمائندگی کریں گے۔
لیگ اسپننگ آل راؤنڈر اسامہ میر کو ووسٹر شائر ریپڈز نے اپنی ٹیم میں شامل کیا ہے۔
فاسٹ باؤلر حسن علی اور عامر جمال واروکشائر کی جانب سے ان ایکشن ہوں گے۔
فاسٹ باؤلر محمد عامریارکشائر وائکنگز کے لیے کھیلیں گے اور اپنے بین الاقوامی تجربے اور مہارت کو انگلش ڈومیسٹک سرکٹ میں لے کر آئیں گے۔
