پاکستان میں سولر پینلز کی قیمتوں میں مزید کمی ہوگئی۔
رپورٹ کے مطابق پاکستان میں سولر پینلز کی قیمتیں مزید گر گئی ہیں اور 2022 میں 80 روپے فی واٹ ملنے والی پلیٹ کی قیمت اب 37 روپے فی واٹ ہوگئی ہے۔
سولر پینلز کی قیمتوں میں کمی مقامی مارکیٹ میں اضافی سپلائی اور بین الاقوامی نرخوں میں کمی کے باعث ہوئی ہے۔
پچھلے 6 مہینوں میں قیمتوں میں تقریباً 30 فیصد کمی دیکھی گئی اور مختلف برانڈز کے پینل اب تقریباً 37 روپے فی واٹ میں دستیاب ہیں۔
5 کلو واٹ سولر سسٹم کی قیمت گزشتہ سال کے مقابلے 2 لاکھ 15 ہزار روپے تک گری جبکہ سسٹم کی مجموعی قیمت میں 4 لاکھ 30 ہزار روپے کی کمی ہوئی ہے۔
تاہم، انورٹرز اور بیٹریوں کی قیمتیں بدستور برقرار ہیں۔
