خیبرپختونخوا کے ضلع لکی مروت میں دو فریقین کے درمیان فائرنگ کے تبادلے میں 6 افراد جاں بحق جبکہ ایک شخص زخمی ہوگیا۔
تفصیلات کے مطابق لکی مروت کے علاقے اگری خانزادخیل میں شادی تقریب کے دوران 2گروپوں میں فائرنگ ہوئی، فائرنگ سے6 افرادجاں بحق ہوگئے، پولیس کے مطابق جاں بحق ہونے والوں میں 2راہ گیر بھی شامل ہیں۔
پولیس کے مطابق فائرنگ بدنام زمانہ گروپس احسان اور عمران گروپ کے درمیان ہوئی، دونوں گروپوں میں دشمنی تھی، جاں بحق ہونے والوں میں2 اشتہاریوں سمیت عمران، احسان، زاہداللہ اور عزیر شامل ہیں۔
