انڈین پریمئیر لیگ ( آئی پی ایل ) میں سن رائزرز حیدرآباد کے لیگ سپنر ونیندو ہسرنگا انجری کے باعث ایونٹ سے آؤٹ ہوگئے۔
کرک انفو کی رپورٹ کے مطابق سن رائزرز حیدرآباد کی نمائندگی کرنے والے لنکن سپنر ونیندو ہسرنگا بائیں پاؤں میں ایڑی کی وجہ سے آئی پی ایل 2024 سے باہر ہو گئے ہیں۔
سن رائزرز کی جانب سے ہسرنگا کے متبادل کھلاڑی کے نام کا ابھی تک اعلان نہیں کیا گیا۔
سن رائزرز کے ہیڈ کوچ ڈینیئل ویٹوری کا کہنا تھا کہ ہسرنگا نے دبئی میں ایک ماہر سے مشورہ کیا تھا جس کے بعد ان کی دستبرداری کی خبر سامنے آئی۔
ہسرنگا کو سن رائزرز نے گزشتہ سال دسمبر میں 2024 کی آئی پی ایل نیلامی میں تقریباً 181,000 امریکی ڈالر کی قیمت پر خریدا تھا، وہ اس سے پہلے رائل چیلنجرز بنگلورو کی طرف سے کھیلتے تھے۔
2022 میں لیگ سپنر کا سیزن شاندار رہا، اس نے 7.54 کی اکانومی کے ساتھ 26 وکٹیں حاصل کیں لیکن 2023 میں اس نے صرف آٹھ گیمز کھیلے اور 8.9 کی اکانومی کے ساتھ نو وکٹیں حاصل کیں۔
