ترکیہ کے صدر نے رجب طیب اردوان نےآصف علی زرداری کو صدرپاکستان منتخب ہونے پر مبارکباد دی ہے اورامید ظاہر کی کہ نیا دور حکومت پاکستان کیلئے خوش آئند ثابت ہوگا ،جبکہ دہشتگردی کیخلاف جنگ میں پاکستان کی حمایت جاری رکھنے کا عزم بھی دہرا یا ۔
ترک سفارتخانے کے مطابق صدر پاکستان کو ٹیلی فون کرکے رجب طیب اردوان نے آصف علی زرداری کو صدر منتخب ہونے پر مبارکباد دی ۔ صدر آصف زرداری نے ترک ہم منصب سے اظہار تشکر کرتے ہوئے ترک صدر اور عوام کو رمضان المبارک کی مبارکباد دی ۔
دونوں صدور نے دوطرفہ اہمیت کے امور پر تبادلہ خیال کیا اور باہمی دلچسپی کے تمام شعبوں میں تعاون مزید بہتر بنانے کی ضرورت پر زور دیا ۔ صدر آصف علی زرداری نے ترک ہم منصب رجب طیب اردوان کو جلد پاکستان مدعو کرنے کی خواہش بھی ظاہر کی ۔
