پاکستان سپر لیگ کے نویں ایڈیشن کا آفیشل اینتھم 14 فروری کو جاری کئے جانے کا امکان ہے۔ علی ظفر اور آئمہ بیگ کی ایک ویڈیو جاری کی گئی ہے جس میں دونوں گلوکار ’’کھل کے کھیل‘‘ گنگنا رہے ہیں۔
پاکستان سپر لیگ کے نویں ایڈیشن کا 17 فروری سے لاہور میں آغاز ہورہا ہے، اس کیلئے آفیشل اینتھم ایک بار پھر معروف گلوکار علی ظفر نے گایا ہے، جس میں ان کا ساتھ نوجوان گلوکارہ آئمہ بیگ نے دیا ہے، دونوں کی ایک ویڈیو بھی منظر عام پر آئی ہے جس میں وہ ’’کھل کے کھیل‘‘ گنگنا رہے ہیں۔
پی ایس ایل 9 کے آفیشل اینتھم کی ویڈیو 14 فروری کو جاری کئے جانے کا امکان ہے، لانچنگ تقریب نجی ہوٹل میں منعقد کی جائے گی۔
واضح رہے کہ 4 سال بعد ایک بار پھر پی ایس ایل ترانہ علی ظفر نے گایا ہے، پہلے 4 سال انہوں نے بہترین اینتھم پیش کئے تھے، جنہیں شائقین کی جانب سے بے پناہ پذیرائی ملی تھی۔
