رستم پنجاب کا ٹائٹل ملتان کے سانول جھکڑ نے اپنے نام کرلیا، فائنل میں اویس ٹائرانوالہ کو شکست کا سامنا کرنا پڑا۔
لاہور کے پنجاب اسٹیڈیم میں رستم پنجاب سمیت دیگر مقابلے ہوئے، جس میں رستم پنجاب کا ٹائٹل سانول جھکڑ اور شیر پنجاب کا ٹائٹل شہزاد پچھاڑ پہلوان کے نام رہا۔
لاہور میں رستم پنجاب کے ٹائٹل کیلئے ملتان کے سانول جھکڑ اور ساہیوال کے اویس ٹائرانوالہ کے درمیان مقابلہ تھا، فائنل میچ میں سانول جھکڑ نے 34 منٹ طویل مقابلے میں اویس ٹائرانوالہ کو شکست دے کر رستم پنجاب کا ٹائٹل اپنے نام کیا۔
رستم پنجاب بننے والے سانول جھکڑ کو ساڑھے تین لاکھ روپے انعام کے ساتھ گرز بھی پیش کیا گیا جبکہ رنر اپ اویس ٹائرانوالہ کو ڈھائی لاکھ روپے کا انعام دیا گیا۔
دوسری جانب شیر پنجاب کا ٹائٹل شہزاد پچھاڑ پہلوان نے اپنے نام کرلیا، فائنل مقابلے میں شہزاد پچھاڑ نے عدنان ٹائرانوالہ کو شکست دی، میچ کا فیصلہ اضافی وقت میں ہوا۔
