گلگت میں دو روزہ مفت میڈیکل و آئی کیمپ کا انعقاد کیا گیا، جہاں ہزاروں مریضوں نے فائدہ اٹھایا۔
تفصیلات کے مطابق گلگت میں پاک آرمی کے اشتراک سے لگائے گئے کیمپ کے پہلے روز الشفاء آئی ٹرسٹ راولپنڈی کے ماہر ڈاکٹرز نے آر ایچ کیو اسپتال گلگت میں مفت معائنہ کیا۔
مریضوں کو عینکیں اور مفت ادویات بھی دی گئیں۔ عوام نے سفید موتیے اور آنکھوں کی دیگر بیماریوں کے علاج کی سہولت سے فائدہ اٹھایا۔ کمانڈر ایف سی این اے نے مریضوں سے ملاقات بھی کی۔ پاک آرمی گلگت کے عوام کے لیے وقتا فوقتاً فری میڈیکل کیمپ لگاتی رہتی ہے۔
