وزیراعظم شہباز شریف کا مارچ کے دوسرے ہفتے میں روس کا دورہ متوقع ہے۔ روسی قیادت سے اہم ملاقاتیں ہوں گے، تاجر برادری اور پاکستانی کمیونٹی سے ملاقاتوں کا بھی امکان ہے۔
ذرائع کے مطابق وزیراعظم شہباز شریف کا مارچ کے دوسرے ہفتے میں روس کا دورہ متوقع ہے اور اس حوالے سے تیاریاں شروع کر دی گئی ہیں۔
دورے کے دوران وزیراعظم روسی قیادت اور دیگر اہم شخصیات سے ملاقاتیں کریں گے جن میں باہمی تعاون اور علاقائی امور پر تبادلہ خیال متوقع ہے۔
ذرائع کا کہنا ہے کہ وزیراعظم روس میں مقیم پاکستانی تاجر برادری سے بھی ملاقات کریں گے جبکہ پاکستانی کمیونٹی سے خصوصی نشست بھی شیڈول کا حصہ ہوگی۔
