افریقی ملک کانگو میں پل ٹوٹ گیا، حادثے میں 32افراد ہلاک ہوگئے۔
خبرایجنسی کے مطابق جنوب مشرقی کانگو میں ایک نیم صنعتی تانبے کی کان میں ہفتہ کو ایک پل گرنے سے تقریباً 32 افراد ہلاک ہوگئے۔
خبر رساں ادارے کے مطابق کلندو کان کنی کے مقام پر ہفتے کے روز پیش آنے والے واقعے کے نتیجے میں 20 افراد کو تشویشناک حالت میں اسپتال منتقل کیا گیا۔
ایک اندازے کے مطابق 200,000 سے زیادہ لوگ وسطی افریقی ملک میں دیوہیکل غیر قانونی کوبالٹ کانوں میں کام کر رہے ہیں۔ مقامی حکام نے بتایا کہ پل کلانڈو کان میں منہدم ہوا، لوآلابا صوبائی دارالحکومت کولوزی سے تقریباً 42 کلومیٹر (26 میل) جنوب مشرق میں واقع ہے۔
