ملتان سلطانز کے مالک علی ترین نے پی ایس ایل ڈرافٹنگ کے گفتگو کرتے ہوئے کہا کہ احسان اللہ کو انجری کی وجہ سے ہم نے ریٹین نہیں کیا ۔
تفصیلات کے مطابق علی ترین کا کہناتھا کہ ہماری خوش قسمتی ہے کہ ہمارے پاس پاکستان ڈومیسٹک کے سب سے بہترین کوچ عبدالرحمان موجود ہیں، احسان اللہ کو انجری کی وجہ سے ریٹین نہیں کیا، ہماری کوشش ہوتی ہے کہ پی ایس ایل کے سٹیک ہولڈرز کے ساتھ مل کر لیگ کو بہتر بنائیں، محمد علی کو ریٹین نہ کرنے کا دکھ ہے کہ امید تھی کہ ڈرافٹنگ کی گولڈ کیٹگری میں پک کریں گے۔
ملتان سلطانز کے ہیڈ کوچ عبدالرحمان نے کہا کہ حسین انجری سے واپس آکر بہت زبردست بولنگ کررہے ہیں، عاکف جاوید 145 کی رفتار سے بولنگ کررہے ہیں، اس سے اچھی پک سلور کیٹیگری میں نہیں ہوسکتی۔
