وزیراعلیٰ پنجاب مریم نواز نے زراعت، شمسی توانائی اور صنعتی انقلاب کے لئے بڑے فیصلے کرلیے۔ مریم نواز نے 28 فروری تک 10 ہزار ٹریکٹرز اور مارچ تک مزید دو ہزار سپر سیڈرز رعایتی قیمت پر کسانوں کو دینے کی ہدایت کردی۔
سینئیر صوبائی وزیرمریم اورنگزیب کی زیرصدارت زراعت، توانائی، صنعت کی وزارتوں اور ذیلی محکموں کی کارکردگی کاجائزہ اجلاس ہوا ۔ تمام وزارتوں اور محکموں نے 6 ماہ کے دوران وزیراعلی کے شروع کردہ منصوبوں پر پیش رفت سے آگاہ کیا۔
وزیراعلی کی پنجاب کے شہریوں کو مفت شمسی توانائی دینے کی اسکیم میں مزید تیزی اور وسعت لانے کا فیصلہ کیا گیا۔ سرکاری عمارتوں کی شمسی توانائی پر منتقلی اور قابل تجدید توانائی کے منصوبے کو جون تک مکمل کرنے کا بڑا فیصلہ کرلیا گیا ۔
مالٹے، کنوں جیسے سڑس پھلوں کی بحالی اور ترقی کابڑا پروگرام شروع کرنے ۔ پنجاب میں مثالی زرعی مال قائم کرنے کا فیصلہ کیا گیا۔ کسانوں کو پیداوار بڑھانے ۔ برآمدات میں اضافے کی سہولیات دی جائیں گی ۔ جبکہ شمسی توانائی کے فروغ کے لئے 6 ارب کے اضافی فنڈ دینے کا بھی فیصلہ کیا گیا۔
اجلاس میں کوڑے کرکٹ سے بجلی بنانے کے فنڈکے قیام کا عمل مارچ تک مکمل کرنے کی ہدایت کی ۔ پنجاب اسمبلی اورانسٹیٹیوٹ آف کارڈیالوجی سمیت دیگر محکموں اور وزارتوں کو شمسی توانائی پر منتقل کرنے کے پروگرام کا جائزہ لیا گیا۔
وزیراعلی مریم نواز نے مارچ تک پنجاب میں’ گارمنٹس سٹیز‘منصوبہ مکمل کرنے کی ڈیڈ لائن دے دی ۔ مریم اورنگزیب کا کہنا تھا کہ جدید ٹیکنالوجی کے ذریعے زراعت، توانائی اور صنعت کی ترقی وزیراعلی کا ایجنڈا ہے۔ پنجاب میں زرعی و صنعتی انقلاب سے خوش حالی لانے کا مریم نواز کا خواب تیزی سے حقیقت بن رہا ہے ۔ الحمدللہ کسان کی خوش حالی پنجاب اور پاکستان کی خوش حالی کی بنیاد ہے۔
