پاکستان مسلم لیگ ( ن ) کے قائد اور سابق وزیر اعظم نواز شریف کے طیارے میں کارکنوں کی صحافیوں سے لڑائی ہوگئی۔
خیال رہے کہ سابق وزیر اعظم نواز شریف 4 سال بعد پاکستان واپس پہنچ چکے ہیں، وہ دبئی سے خصوصی طیارے کے ذریعے اسلام آباد ائیرپورٹ پر پہنچے۔
نواز شریف سے اسلام آباد ائیرپورٹ پر ان کی قانونی ٹیم نے ملاقات کی اور مختلف کیسز کے حوالے مشاورت کی۔
قانونی ٹیم سے ملاقات کے بعد نواز شریف اسلام آباد سے لاہور روانہ ہونے کے تیار ہیں تاہم، روانگی سے قبل ان کے خصوصی طیارے میں بد نظمی کا واقعہ پیش آگیا ہے۔
طیارے میں بد نظمی کارکنوں اور صحافیوں کے درمیان لڑائی کی وجہ سے پیش آئی۔
