روسی اسپیکر ویلنٹینا ماٹویینکو کا کہنا ہے کہ ہماری خواہش ہےکہ پاکستان اورروس کے تعلقات مزید پختہ ہوں، روس اور پاکستان تیل اورگیس کےذریعے تجارت کررہے ہیں جوکہ بہت اہمیت کاحامل ہے۔
چیئرمین سینیٹ سید یوسف رضاگیلانی کی زیرصدارت سینیٹ کااجلاس ہوا، سینیٹ اجلاس میں روسی وفاقی اسمبلی کی چیئرپرسن ویلنٹینا ماٹویینکونے سینیٹ سےخطاب کیا، ویلنٹینا ماٹویینکو اپنے خطاب میں کہا کہ دورہ پاکستان اور سینیٹ سےخطاب میرے لئےباعث عزت ہے،شاندار استقبال پر پاکستان کی شکرگزار ہوں ۔
روسی اسپیکرویلنٹینا ماٹویینکو کا کہنا تھا کہ پاکستان اور روس کےتعلقات کی طویل تاریخ ہے،چیلنجزکےباوجود ماسکو اوراسلام آباد کےدرمیان تعلقات قائم رہے،پاکستان قدیم روایت و ثقافت کا حامل ملک ہے،دونوں ممالک کےدنیا کےساتھ تعلقات کولےکرنقطہ نظرمیں مماثلت ہے۔
روسی اسپیکر کا اپنے خطاب میں مزید کہنا تھا کہ آپ کاملک آٹھویں بار اقوام متحدہ کی غیر مستقل نشست پر منتخب ہوا،دونوں ممالک افغانستان میں استحکام اوروسط ایشیاء میں امن چاہتے ہیں،پاکستان اقوام متحدہ کے امن مشنز میں فعال کردار ادا کررہا ہے،دونوں ممالک ایشیاء کی سلامتی کو یقینی بنانے پر یقین رکھتے ہیں ۔
ویلنٹینا ماٹویینکو کا مزید کہنا تھا کہ ہماری خواہش ہےکہ پاکستان اورروس کے تعلقات مزید پختہ ہوں ، مشترکہ تعاون کے فریم ورک بہتربنانےکیلئےدونوں ممالک کے پارلیمنٹ اہم کرداراداکررہےہیں ، روس اور پاکستان تیل اورگیس کےذریعے تجارت کر رہے ہیں جوکہ بہت اہمیت کاحامل ہے۔
انھوں نے کہا کہ پاکستان اور روس کی تجارت میں 30 فیصد اضافہ ہوا ہے، پاکستان اور روس میں باہمی تعاون کی عظیم روایات ہیں،پاکستان کے ساتھ مختلف شعبوں میں تعلقات کا فروغ چاہتے ہیں،مسلم امہ روس میں قیام امن، وطن کے دفاع اوردیگر شعبوں میں اہم کردار ادا کررہی ہے،پاکستان میں خواتین کو جتنی عزت دی جاتی ہے وہ دیکھ کر خوشی ہوئی ہے۔
ان کا کہنا تھا کہ بینظر بھٹو کی کتاب، "ڈاٹر آف ایسٹ" روسی زبان میں بھی شائع ہوئی ہے، تمام سینٹرزاورچیئرمین یوسف رضا گیلانی کا شکریہ ادا کرتی ہوں،میرے دورے سے دونوں ممالک کے تعلقات مزید بہتر ہوں گے ،روسی اسپیکر کا دونوں ممالک کے درمیان زرعی شعبہ میں تعاون پر زور دیا ہےہم دونوں ملکوں کو اپنے عوام کیلئےسوچنا چاہیے۔
روسی اسپیکرویلنٹینا ماٹویینکو نے اپنے خطاب کا اختتام اردو میں کیا روسی اسپیکر نے اردو میں شکریہ کہا اور پاکستان روس دوستی زندہ باد، روسی اسپیکر نے اردو میں نعرہ لگایاروسی وزیراعظم کا حالیہ دورہ تعاون بڑھانےمیں اہم کردار ادا کرے گا، بین الاقوامی ایجنڈےکے بیشتر معاملات پرہمارے نقطہ نظر میں مماثلت ہے،کیمیائی اورزہریلے ہتھیاروں کی ممانعت،غیرقانونی پابندیوں کی حوصلہ شکنی کرنا ہوگی۔