خیبرپختونخوا کے 17 اضلاع کی 53 ویلج اور نیبرھڈ کونسلوں میں کونسلروں کی خالی نشستوں پر ضمنی بلدیاتی انتخابات کے لئے پولنگ کا عمل جاری ہے۔ پولنگ کا عمل شام 5 بجے تک جاری رہے گا۔
پشاور، نوشہرہ، چارسدہ، صوابی، کوہاٹ، لکی مروت، ڈی آئی خان، ٹانک، ایبٹ آباد اور مانسہرہ میں ضمنی بلدیاتی انتخابات کی پولنگ جاری ہے۔ سوات، شانگلہ، بونیر، دیر لوئر اور باجوڑ میں بھی ضمنی بلدیاتی انتخابات کا میدان سج گیا ہے۔
انتخابات تریپن ویلج اور نیبرہڈ کونسلوں میں جنرل، خواتین، مزدور کسان اور نوجونواں کی مخصوص نشستوں پر ہو رہے۔ جن میں 39 جنرل، 6 خواتین، ایک مزدور کسان اور 7 یوتھ کی نشستیں شامل ہیں ۔ تین لاکھ 45 ہزار سے زائد ووٹر حق رائے دہی استعمال کریں گے۔ صوبے بھر میں 260 پولنگ اسٹیشنز قائم کئے گئے ہیں۔
