ہونڈا کی مشہور زمانہ موٹر سائیکل ’ سی ڈی 70‘ اپنی شاندار فیول ایوریج کے باعث صارفین کی پہلی ترجیح ہوتی ہے لیکن حالیہ کچھ عرصہ کے دوران مہنگائی نے اس کی قیمتوں کو بھی آسمان پر پہنچا دیاہے ۔
تفصیلات کے مطابق آٹو انڈسٹری میں اس وقت سیلز کو سامنے رکھتے ہوئے مختلف کار ساز کمپنیاں صارفین کو متوجہ کرنے کیلئے دلکش آفرز کر رہی ہیں اور ساتھ ہی ساتھ قیمتیں بھی گرا رہی ہیں لیکن موٹر سائیکل کی قیمت میں کوئی رد وبدل دیکھنے میں نہیں آیا ہے ۔
ہونڈا کی سی ڈی 70 ایک لاکھ 57 ہزار 900 روپے میں فروخت کی جارہی ہے جبکہ اس کی دوسرا ماڈل ہونڈا سی ڈی 70 ڈریم کی قیمت ایک لاکھ 68 ہزار 900 روپے ہے ۔
ہونڈا CD 70 کی پائیدار مقبولیت میں اہم کردار ادا کرنے والے عوامل میں سے ایک اس کی شاندارفیول ایوریج ہے ۔ موٹرسائیکل اوسطاً 50 سے 60 کلومیٹر فی لیٹر کی اوسط فراہم رہتی ہے، جو اسے روزانہ سفر کے لیے اولین انتخاب بناتی ہے ۔یہ موٹر سائیکل تین روایتی رنگوں سیاہ ، سرخ اور نیلے رنگ میں فروخت کیلئے پیش کی جاتی ہے ۔
