ملک کے بیشتر علاقوں میں آج موسم خشک اور مطلع جزوی ابرآلودرہے گا تاہم بلوچستان کے مختلف علاقوں میں تیز ہواؤں اور گرج چمک کے ساتھ بارش اور ژالہ باری کا امکان ہے۔
محکمہ موسمیات کے مطابق ملک کے بیشتر علاقوں کے برعکس بلوچستان میں بیشتر مقامات پر آندھی، موسلادھاربارش اور ژالہ باری کا امکان ہے۔
گوادر، کیچ، آواران، چاغی، خاران، پسنی ،اورماڑہ، لسبیلہ، خضدار، قلات، سمیت دیگر علاقوں میں گرج چمک کے ساتھ بارش اور ژالہ باری کابھی امکان ہے۔
دوسری جانب اسلام آباد، مری، گلیات میں موسم خشک اور مطلع جزوی ابرآلود رہے گا، شام اور رات میں وزیرستان، ٹانک، بنوں میں گرج چمک کے ساتھ بارش کا امکان ہے۔
