ایک ماہ کیلئے بجلی 5 روپے فی یونٹ مہنگی کرنے کی تیاریاں جاری ہیں۔
بجلی صارفین پر اربوں کا اضافی بوجھ ڈالنے کی تیاری کرلی گئی، بجلی کی فی یونٹ قیمت میں ایک ماہ کے لیے 5 روپے تک اضافہ کیے جانے کا امکان ہے۔ سینٹرل پاور پرچیزنگ ایجنسی کی درخواست پرنیپرامیں سماعت آج ہوگی۔
اضافہ فروری کی ماہانہ فیول ایڈجسٹمنٹ کی مد میں مانگا گیا ہے، درخواست منظور ہونے سے صارفین پر40ارب سے زائد کا بوجھ پڑے گا۔
درخواست میں مؤقف اختیار کیا گیا ہے کہ فروری میں6ارب 87 کروڑ 60 لاکھ یونٹ بجلی فروخت ہوئی، فروری میں پانی سے 24.77فیصد بجلی پیدا کی گئی، مقامی کوئلے سے 13.94 فیصد، درآمدی سے 1.89 فیصد بجلی بنی، مقامی گیس سے 11.04،درآمدی ایل این جی سے 20.33 فیصد بجلی بنائی گئی۔ فروری میں جوہری ایندھن سے 23.29 فیصد بجلی پیدا کی گئی۔
