پاکستان کرکٹ بورڈ ( پی سی بی ) نے قومی ٹیم کے لیے کل وقتی کوچ کی تقرری پہلی ترجیح بنالی۔
پاکستان کرکٹ ٹیم کے ہیڈ کوچ کی تقرری کے معاملے میں اہم پیشرفت سامنے آگئی، بورڈ نے کل وقتی کوچ کی تقرری پہلی ترجیح بنالی ہے اور سابق کوچ مکی آرتھر کی طرح دیگر ذمہ داری نبھانے والے کوچ کی خدمات نہیں لی جائیں گی۔
ذرائع کے مطابق سابق آسٹریلوی کرکٹر شین واٹسن ہیڈ کوچ کے لیے مضبوط امیدوار ہیں اور پی سی بی شین واٹسن کے ساتھ رابطے میں بھی ہے۔
ذرائع کا کہنا ہے کہ شین واٹسن کی فیملی مصروفیات اور پیشگی معاہدے آڑے آسکتے ہیں۔
علاوہ ازیں ڈیرن سیمی ،فل سمنز، سائمن کیٹچ اور مائیک ہیسن بھی کوچنگ کے لیے زیر غور ہیں۔
