پاکستان سپر لیگ 9 کے چھٹے میچ میں پشاورزلمی کو مسلسل دوسری شکست سامنا کرنا پڑا۔کراچی کنگز نے پشاورزلمی کو7وکٹ سے ہرادیا۔
لاہور کے قذافی اسٹیڈیم میں کھیلے گئے میچ میں کراچی کنگز کے کپتان شان مسعود نے ٹاس جیت کر پہلے فیلڈنگ کا فیصلہ کیا، پشاور زلمی نے پہلے کھیلتے ہوئے کراچی کنگز کو جیت کیلئے 155 رنز کا ہدف دیدیا۔
پشاور زلمی کے کپتان بابراعظم72رنز بنا کرٹاپ اسکورر رہے، رومن پاول نے39 اور آصف علی نے 23رنز بنائے۔ کراچی کنگز کی جانب سے فاسٹ بولرمیرحمزہ اورحسن علی کی3,3وکٹیں حاصل کیں۔
جواب میں کراچی کنگز نے پشاور زلمی کا 155 رنز کا ہدف 17 ویں اوور میں با آسانی حاصل کرلیا، کیرون پولارڈ 49 اور جیمز ونس 38 رنز بناکر ناقابل شکست رہے۔
کراچی کنگز اسکواڈ
کپتان شان مسعود، محمد اخلاق،جیمز ونس، شعیب ملک، کیرون پولارڈ، محمد نواز، عرفان خان نیازی، ڈینیئل سمس، حسن علی، میر حمزہ، تبریز شمسی ٹیم کا حصہ ہیں
پشاور زلمی اسکواڈ
کپتان بابراعظم، صائم ایوب، محمد حارث، ٹام کوہلر کیڈمور، روومین پاول، آصف علی، عامر جمال، لیوک ووڈ، محمد ذیشان، وقار سلام خیل، سلمان ارشاد پلئین الیون کا حصہ ہیں۔
