شمالی وزیرستان کے علاقے میران شاہ میں مقامی طلباء نے پاک فوج کے ساتھ مصروف دن گزارا۔ وفد نے دفاع وطن کے لیے سیکیورٹی فورسز کی قربانیوں کو بھرپور خراج عیقدت پیش کیا۔
مختلف اسکولوں کے اساتذہ اور طلباء کی کثیر تعداد نے میران شاہ کیمپ کا دورہ کیا۔ اس کا مقصد شمالی وزیرستان کے طلباء کو پاک فوج کی روزمرہ مصروفیات ، جدید جنگی ساز و سامان اور قیام امن کے لیے قربانیوں سے آگاہ کرنا تھا۔
طلباء کو ٹوچی اسکاؤٹس ہیڈ کوارٹر ، ایوی ایشن اسٹرپ اور ٹوچی میوزیم کی سیر بھی کرائی گئی۔ طلباء کی تفریح کے لیے ڈاگ شو، گھڑ سواری اور مختلف کھیلوں کا بھی اہتمام کیا گیا تھا۔ طلباء نے پاک فوج کا بھرپور شکریہ ادا کیا۔
