ایرانی صدرڈاکٹر ابراہیم رئیسی لاہور پہنچ گئے،وزیراعلیٰ مریم نواز اور صوبائی وزراء نے ایرانی صدرکا استقبال کیا۔
تفصیلات کےمطابق ایرانی صدرڈاکٹرابراہیم رئیسی نے مزار اقبال پرحاضری دی،اور پھول رکھے اور فاتحہ خوانی کی۔
ایرانی صدر گورنمنٹ کالج یونیورسٹی کا دورہ بھی کریں گے،اور گورنر پنجاب اور وزیراعلیٰ پنجاب سے علیحدہ علیحدہ ملاقات بھی شیڈول ہے۔
لاہور؛ ایرانی صدرکی آمد کے موقع پرٹریفک ایڈوائزری جاری
ایرانی صدر اوروفد کےدورہ لاہور کے پیش نظر پنجاب حکومت نے آج لاہورمیں مقامی تعطیل کااعلان کررکھا ہے،محکمہ سروسزاینڈ جنرل ایڈمنسٹریشن کے جاری نوٹیفیکشن کے مطابق غیرملکی معززین کی لاہور آمد کے پیش نظر صوبائی دارلحکومت میں آج عام تعطیل ہے۔
لاہورمیں سرکاری اسکولز، کالجز اور یونیورسٹیز آج بند رہیں گے، نجی دفاتر اور نجی تعلیمی ادارے بھی کل بند رہیں گے، نوٹیفیکشن کے مطابق ضلع لاہور کے سرکاری دفاتر بھی کل بندرہیں گے جبکہ پنجاب سول سیکریٹریٹ اورمتعلقہ ڈویژنل دفاتر معمول کے مطابق کام کریں گے۔
