لاہور کے علاقے جنوبی چھاؤنی میں جھگڑے کے دوران بیوی کو کلاشنکوف دکھانے والے ملزم کو گرفتار کر لیا گیا۔
لاہور پولیس کے مطابق چند روز قبل خرم نامی ملزم نے گھریلو جھگڑے کے دوران اپنی بیوی کو کلاشنکوف دکھا کر ڈرایا اور دھمکایا تھا اور اس واقعہ کی ویڈیو سوشل میڈیا پر بھی وائرل ہوئی تھی۔
پولیس نے بتایا کہ خرم کو حراست میں لے کر اس سے کلاشنکوف بھی برآمد کر لی گئی ہے۔
پولیس کا مزید کہنا تھا کہ ملزم کے خلاف مقدمہ درج کر کے کارروائی کا آغاز کر دیا گیا ہے۔
یاد رہے کہ واقعہ کی ویڈیو سوشل میڈیا پر وائرل ہونے کے بعد صارفین کی جانب سے سخت رد عمل سامنے آیا تھا اور انہوں نے ملزم کی فوری گرفتاری کا مطالبہ بھی کیا تھا۔
