ضلع مٹیاری کی تحصیل سعیدآباد میں چپل کی خریداری کے معاملے پرملاح او رماچھی قوم کے درمیان جھگڑا ہوا جس دوران نیو سعیدآباد شہر اور پولیس اسٹیشن میدان جنگ بن گیا، جھگڑے میں خاتون سمیت بارہ افراد زخمی ہو گئے ۔
ایس ایس پی مٹیاری کے مطابق عید کے روز ماچھی برداری کے افراد نے ملاح برادری کی دکان سے چپل خریدی جسے تبدیل کرانے پر دونوں کے درمیان تلخ کلامی ہوئی پھر جھگڑا ہو گیا، دونوں گروہ کے افراد بڑی تعداد میں جمع ہو گئے اور ایک دوسرے کو ڈنڈے مارے ، پولیس نے بروقت پہنچ کرچھ ملزمان کو حراست میں لیا۔ پہلا جھگڑا شہر میں ہوا جبکہ دوسری لڑائی پولیس اسٹیشن کے اندر ہوئی پولیس کی بھاری نفری نے پہنچ کر جھگڑے پر قابو پایا۔ جھگڑے کی فوٹیج منظرعام پرآگئی جس میں دیکھا جاسکتا ہے دونوں گروہ کے درمیان جھگڑے کے باعث نیوسعیدآباد شہراور پولیس اسٹیشن میدان جنگ بنا ہوا تھا ۔ تھانے میں ایک دوسرے پر ڈنڈوں لاتوں کا آزادانہ استعمال جاری رہا،جھگڑے میں خاتون سمیت بارہ افراد زخمی ہوگئے جنہیں منتقل کردیا گیا۔
