اندرون ملک انٹرنیٹ سروسز کی بلا تعطل فراہمی کے لئے پی ٹی اے نے مقامی پیئرنگ اور انٹرنیٹ ایکسچینج پوائنٹس ریگولیشنز 2026 کوحتمی شکل دے دی۔ تمام انٹرنیشل انٹرنیٹ کیبلزڈاؤن ہونے کے باوجود لوکل ڈیٹا سینٹرز سے مقامی انٹرنیٹ سروسز جاری رہیں گی۔
اندرون ملک انٹرنیٹ سروسز کی بلا تعطل اور سستی فراہمی کے لیے پی ٹی اے کا بڑا اقدام سامنے آیا ہے۔ انٹرنیٹ ایکسچینج پوائنٹس ریگولیشنز 2026 کے نفاذ کا گزٹ نوٹیفکیشن جاری کر دیا گیا۔
گزٹ نوٹیفکیشن کے ساتھ ہی نئے قواعد و ضوابط کا نفاذ ہو گیا ہے ۔ عالمی پیئرنگ پوائنٹس کےاستعمال سے سیکیورٹی خطرات کم کرنے کے لیے نئی پالیسی نافذ کی گئی۔
مقامی انٹرنیٹ ٹریفک ، انٹرنیشنل گیٹ ویز کے بجائے لوکل پیئرنگ یا انٹرنیٹ ایکسچینج پوائنٹس سے روٹ ہوں گی ۔ پاکستان میں ہوسٹ ویب سائٹس اور ایپلیکیشنز مقامی صارفین کو لوکل پیئرنگ سے دستیاب ہوں گی۔ کنٹینٹ ڈیلیوری نیٹ ورک تنصیب سے پہلے ہر لائسنس یافتہ ادارے کو پی ٹی اے کو آگاہ کرنا ہوگا۔
نئے ضوابط کا مقصد انٹرنیٹ لاگت میں کمی اور سروس کے معیار میں بہتری لانا ہے۔ تمام لائسنس یافتگان کو ڈیٹا سیکیورٹی اور معلومات کی مکمل رازداری یقینی بنانا ہوگی۔ لائسنس یافتگان کےدرمیان انٹرنیٹ ایکسچینج پوائنٹس تنازع پر پی ٹی اے کا فیصلہ حتمی اورلازمی ہوگا۔
