صدر فیفا انفانٹینو کا کہنا ہے کہ ایران نے فٹبال ورلڈ کپ کیلئے کوالیفائی کیا، کھلاڑی کھیلنا چاہتے ہیں۔
صدر فیفا نے کہا کہ کھیل کو سیاست سے الگ رہنا چاہیے، ایران یقینی طور پر ورلڈ کپ میں شرکت کرے گا۔
فیفا ورلڈ کپ میں ایران کے گروپ میچز کیلیفورنیا اور سیئیٹل میں شیڈول ہیں، فیفا ورلڈ کپ کا آغاز 11 جون سے ہوگا، فٹبال ورلڈ کپ کی میزبانی امریکا، کینیڈا اور میکسیکو کریں گے۔
قبل ازیں یران کے وزیر کھیل نے کہا ہے کہ اگر فیفا ورلڈ کپ کے میچز امریکا سے میکسیکو منتقل نہ کیے گئے تو ایران کی ٹورنامنٹ میں شرکت غیر یقینی ہوگی۔
ایران کی فٹبال فیڈریشن نے اسپورٹس گلوبل گورننگ باڈی سے اپنے میچز منتقل کرنے کی درخواست کی تھی، کینیڈا اور میکسیکو کے ساتھ جون جولائی میں ٹورنامنٹ کی میزبانی کرنے والے امریکا نے 28 فروری سے ایران پر حملے شروع کر دیے جس سے مشرق وسطیٰ میں بھی کشیدہ صورتحال پیدا ہوگئی ہے۔
