راولا کوٹ سے را کیلئے کام کرنے والے نیٹ ورک کا کارندہ پکڑا گیا۔
آئی جی پولیس آزاد جموں و کشیر کیپٹن ریٹائرڈ لیاقت ملک نے کہا کہ ملزم حساس تنصیبات کی ریکی کرتا اور ویڈیوز بنا کر ہینڈلر کو بھیجتا رہا۔ را ایجنٹ عرفان سوشل میڈیا کےذریعے کام کررہا تھا۔
کیپٹن ریٹائرڈ لیاقت ملک نے کہا کہ ملزم معصوم بچوں کو پیسے کا لالچ دے کرتیار کرتا تھا۔ آئی جی آزاد کشمیر نے کہا دشمن کےنا پاک عزائم خاک میں ملائیں گے۔
راولا کوٹ سے گرفتار را ایجنٹ عرفان نے اعتراف کیا وہ سوشل میڈیا پرآن لائن نوکری کے جھانسے میں آیا۔ ہینڈلر نے گوجرانوالہ کے مختلف مقامات کی ویڈیوز، فوجی تنصیبات اور گاڑیوں کی نقل و حرکت کی تصاویر اور لوکیشنز بھیجنے کا ٹارگٹ دیا۔ بدلے میں پیسے ملتے تھے۔ ٹاسک پورا نہ کرنے پر ذاتی معلومات سوشل میڈیا پر ڈالنے کی دھمکی دی۔
