نادرا نے قومی شناختی نظام کی مکمل درستی اور مزید استحکام کے لئے اہم قدم اٹھا لیاہے، سول رجسٹریشن ریکارڈ اور قومی شہری ڈیٹابیس کے درمیان مطابقت کا کام مکمل کر لیا گیا، سول رجسٹریشن نظام میں بطور متوفی درج افراد کے شناختی کارڈ منسوخ کر دیئے گئے۔
تفصیلات کے مطابق نادرا آرڈیننس اور شناختی کارڈ رولز کے تحت 42 لاکھ شناختی کارڈ منسوخ کئے گئے، لواحقین نے صوبائی اداروں میں اندراج کرایا لیکن نادرا ریکارڈ اپ ڈیٹ نہیں کرایا، نادرا کے حالیہ معاون اقدامات پر 30 لاکھ افراد کے لواحقین نے شناختی کارڈ منسوخ کرائے، 42 لاکھ شناختی کارڈز سول رجسٹریشن نظام میں وفات کے اندراج کے باوجود فعال رہے، شناختی کارڈ منسوخ نہ ہونے سے قومی اعدادوشمار عدم مطابقت کا شکار ہوتے ہیں۔
ترجمان نادرا کے مطابق بعض اوقات غلطی یا بدنیتی سے بھی کوئی رشتہ دار شناختی کارڈ منسوخ کرا دیتے ہیں،ایک کروڑ چالیس لاکھ بچوں کی پیدائش کا اندراج یونین کونسل میں ہو چکا، نادرا میں نہیں ہوا،نادرا ایسے بچوں کے والدین یا سرپرستوں کو یاددہانی کے ایس ایم ایس بھجوا رہا ہے،ایسے بچوں کے والدین جلد ازجلد نادرا سے ان کے ب فارم بنوائیں۔
