نائب وزیرِاعظم و وزیرِ خارجہ اسحاق ڈار کی زیر صدارت اجلاس میں پیٹرولیم مصنوعات کی قیمتوں میں ردوبدل کا فیصلہ کر لیا گیا۔
نائب وزیرِاعظم اسحاق ڈارکی زیرصدارت اجلاس میں پیٹرولیم مصنوعات کے ذخائر اورعالمی منڈی میں قیمتوں میں کا جائزہ لیا گیا۔ وزارتِ پیٹرولیم کی جانب سے پیش کی گئی سفارشات پر بھی غور ہوا۔ حکومت نے پیٹرولم مصنوعات کی قیمتوں میں ردوبدل کا فیصلہ کر لیا۔ پیٹرولیم مصنوعات کی قیمتوں میں ردوبدل آج رات سے کیا جائے گا۔ اجلاس میں وزیرخزانہ، وزیر پیٹرولیم اور وزیر تجارت سمیت اعلیٰ حکام موجود تھے۔ اوگرا، پارکو اورمتعلقہ وزارتوں کے حکام نے بھی اجلاس میں بریفنگ دی۔
اجلاس میں اس امر پر بھی بات چیت کی گئی کہ عالمی منڈی میں تیل کی قیمتوں میں اتار چڑھاؤ کے پیش نظر ملکی سطح پر مناسب حکمت عملی اختیار کی جائے۔
یہاں یہ امر قابل ذکر ہے کہ عالمی مارکیٹ میں خام تیل کی قیمتوں میں تیزی سے اضافہ جاری ہے اور برینٹ کروڈ آئل کی قیمت 91 ڈالر فی بیرل سے تجاوز کر گئی ہے۔
اعداد و شمار کے مطابق 27 فروری کو عالمی منڈی میں خام تیل کی قیمت تقریباً 73 ڈالر فی بیرل تھی، تاہم صرف ایک ہفتے کے دوران قیمت میں 18 ڈالر فی بیرل تک اضافہ ریکارڈ کیا گیا ہے۔
عالمی منڈی میں تیل کی قیمت میں مزید اتار چڑھاؤ کے خدشے کا اظہار کیا جارہاہے
قطرنےدوتین ہفتوں میں خام تیل کی قیمت 150 ڈالرفی بیرل تک جانے کا خدشہ ظاہر کر دیا ہے۔ وزیر توانائی نے کہا کہ آبنائے ہرمز بند رہا تو تیل کی قیمتوں میں نمایاں اضافے کا خدشہ ہے۔
کویت نے بعض آئل فیلڈز پر خام تیل کی پیداوار روک دی ہے، کویت تیل کی عالمی تنظیم اوپیک کاایک اہم رکن ملک ہے۔
