ہالی ووڈ اداکارہ این ہیتھ وے کا دوران انٹرویو"انشااللہ" کہناتوجہ کامرکزبن گیا،ویڈیو سوشل میڈیا پر وائرل ہوگئی۔
عالمی شہرت یافتہ اداکارہ،جنہوں نےاپنےکیریئرمیں کئی بڑی فلموں میں مرکزی کردار ادا کیے،پہلی بار ’دی پرنسز ڈائری‘ کےذریعےشہرت کی بلندیوں تک پہنچیں،اسکےبعدوہ متعدد کامیاب اور ایوارڈ یافتہ فلموں کا حصہ رہیں اور آج بھی فلمی دنیا میں متحرک ہیں۔
حال ہی میں ایک انٹرویو کے دوران، جو انہوں نے ’پیپل میگزین‘ کو دیا، این ہیتھ وے بڑھتی عمر اور زندگی کے مختلف پہلوؤں پر گفتگو کر رہی تھیں۔ اسی دوران انہوں نے بے ساختہ کہا کہ وہ ’انشا اللہ‘ ایک لمبی اور صحت مند زندگی گزارنا چاہتی ہیں۔ ان کا کہنا تھا کہ انسان یا تو بڑھاپے سے خوفزدہ رہتا ہے یا کم عمری میں زندگی ختم ہونے کے خیال سے، اس لیے بہتر ہے کہ زندگی کو مثبت انداز میں قبول کیا جائے۔
