نائب وزیراعظم اسحاق ڈار نے انطالیہ ڈپلومیسی فورم میں مباحثےمیں اظہار خیال کرتے ہوئے کہا کہ جنوبی ایشیا خاص طورپر پاکستان میں بےپناہ صلاحیت ہے،بدقسمتی سے2ارب آبادی کے اس خطے کا جی ڈی پی صرف 4 ٹریلین ہے۔
تفصیلات کے مطابق اسحاق ڈار کا کہناتھا کہ امریکا ایران تنازع کی وجہ سے خطے کی معیشت اور تجارت متاثر ہوئی،پہلےدن سے ایران امریکا تنازع حل کرنےکی کوشش کر رہے ہیں،خطے کے ممالک کے درمیان تجارت کا باقاعدہ کوئی نظام نہیں ہے۔
ان کا کہناتھا کہ ہمیں جنوبی ایشیائی ممالک کے درمیان تجارت اور رابطے بڑھانے کیلئے محنت کرنا ہو گی،پاکستان جنوبی ایشیامیں ٹرانزٹ شپمنٹ کیلئے آئیڈیل ملک ہے،47سال بعد ایران امریکا ثالثی پاکستان کیلئے قابل فخرہے۔
اسحاق ڈار کا کہناتھا کہ لبنان میں سیزفائر کے بعد آبنائے ہرمز کھلنا خوش آئند ہے،امریکا ایران مذاکرات میں صرف چند نکات پر اتفاق ہونا باقی ہے۔
