افغان طالبان کی جانب سے پاکستان میں اہم تنصیبات کو نشانہ بنانے اور پاکستانی عوام کو ہراساں کرنے کی کوشش ناکام ہوگئی،پاکستانی دفاعی نظام نے سخت دفاعی اقدامات کے ذریعے ڈرونز کو مقررہ اہداف تک پہنچنے سے پہلے ہی تباہ کردیا۔
پاک فوج کے شعبہ تعلقات عامہ آئی ایس پی آر کےمطابق 13 مارچ کی شب افغان طالبان کی پاکستانی عوام کو ہراساں کرنے کی بھونڈی کوشش کی گئی،افغان طالبان کی جانب سے سادہ نوعیت کے ڈرونز لانچ کیے گئے، پاکستانی دفاعی نظام نےمقررہ اہداف تک پہنچنے سے پہلے ہی ان ڈرونز کو سافٹ اور ہارڈ کل کے ذریعے ناکارہ بنا دیا،ڈرونز کےملبے کےباعث کوئٹہ مین دو بچےجبکہ کوہاٹ اورراولپنڈی میں ایک ایک شہری زخمی ہوا۔
ماہرین کے مطابق ایسے حملوں کا مقصد عوام میں خوف و ہراس پھیلانا اور عدم تحفظ کا تاثر پیدا کرنا ہے
سیکیورٹی ذرائع کاکہنا ہےکہ پاکستان کا آپریشن غضبُ اللّحق اس وقت تک جاری رہےگاجب تک افغان سر زمین سے ہونے والی دہشت گردی کے حوالے سے پاکستان کے بنیادی تحفظات دور نہیں کیے جاتے۔
