مشرق وسطیٰ میں اسرائیل اور حماس میں ہونے والی جنگ بندی میں دو روز کی توسیع کر دی گئی۔
امریکی محکمہ خارجہ کی جانب سے جاری بیان کے بیان میں تصدیق کی گئی ہے کہ اسرائیل کے ساتھ حماس نے بھی دوروز کی جنگ بندی میں توسیع کر دی ہے۔
فلسطین کی مزاحمتی تحریک حماس نے کہا ہے کہ مزید فلسطینی قیدیوں کی فہرست کی تیاری شروع کردی ہے۔
وائٹ ہاؤس نے بھی دوروز کی جنگ بندی میں توسیع کی تصدیق کرتے ہوئے کہا کہ اگلے مرحلے میں 20امریکی قیدیوں کی رہائی ہوگی،جنگ بندی کا حماس کو فائدہ ہے،وہ ایک حقیقی خطرہ ہے۔
دوسری جانب سیکریٹری جنرل اقوام متحدہ نے کہا ہے کہ غزہ میں انسانی بنیادوں پر مستقل جنگ بندی کی ضرورت ہے، انسانی تباہی دن بہ دن بدتر ہوتی جا رہی ہے،مستقل جنگ بندی سے خطے کے لوگوں کو فائدہ ہوگا۔
اس قبل مصر کے سکیورٹی حکام نے کہا تھاکہ امریکا، قطر اور مصر عارضی جنگ بندی میں توسیع کے قریب ہیں۔
