پاکستان کی معروف بیکری کیکس اینڈ بیکس کے خلاف جعلی پروپگینڈا بے نقاب ہوگیا۔
حال ہی میں سوشل میڈیا کے مختلف پلیٹ فارمز پر ایک ویڈیو وائرل ہوئی جس میں ایک کسمٹر کی جانب سے دعویٰ کیا گیا تھا کہ معروف بیکری کیکس اینڈ بیکس سے خریدی گئی پروڈکٹ میں سے ’ چوہا ‘ برآمد ہوا۔
ویڈیو کے مطابق کسمٹر اپنی فیملی کے ہمراہ بیکری برانچ میں آتا ہے اور اس کے ساتھ موجود خواتین کاؤنٹر پر ایک باکس رکھتی ہیں اور کیشیئر سے پوچھتی ہیں کہ ’ یہ کیا ہے ‘۔
خواتین کا اشارہ پروڈکٹ میں موجود چوہے کی جانب ہوتا ہے۔
اس موقع پر کسٹمر کی جانب سے ویڈیو بنائی جاتی ہے جسے سوشل میڈیا پر وائرل کر کے معروف بیکری کو بدنام کرنے کی کوشش کی جاتی ہے۔
تاہم، واقعے کی ویڈیو وائرل ہونے پر ڈپٹی کمشنر نے نوٹس لیا اور بعدازاں، حکام نے موقع پر جاکر تمام آئٹمز کا معائنہ کیا جہاں جعلی سکینڈل کا بھانڈہ پھوٹ گیا۔
انتظامیہ کی جانب سے معائنے کے بعد معروف بیکری کو کلین چٹ دے دی گئی۔
حکام کی جانب سے کلین چٹ ملنے کے بعد یہ بات ثابت ہوئی کہ اس جعلی پروپیگنڈے کے ذریعے معروف برانڈ کو بدنام کرنے کی کوشش کی گئی لیکن اس میں ملوث عناصر کو ناکامی کا سامنا کرنا پڑا۔
دوسری جانب کیکس اینڈ بیکس کی انتظامیہ کا موقف بھی سامنے آیا اور ان کی جانب سے واقعے کی مکمل تفصیلات بیکری میں موجود سی سی ٹی وی فوٹیج کے ساتھ شیئر کی گئیں۔
بیکری کی سی سی ٹی وی فوٹیج میں واضح طور پر دیکھا گیا کہ کسٹمر اپنی پسند کی پروڈکٹ خود کاؤنٹر سے نکلواتا ہے جو کہ واضح طور پر نظر بھی آرہی ہے اور اس دوران پروڈکٹ پیکنگ میں کوئی چوہا نظر نہیں آرہا۔
بیکری انتظامیہ کا کہنا تھا کہ ہمارے ہاں کوالٹی سٹینڈرڈ کو اولین ترجیح دی جاتی ہے اور ہم ہائیجین اور کوالٹی پر کمپرومائز نہیں کرتے۔
انتظامیہ کا کہنا تھا کہ کمپنی غلط الزامات میں ملوث ہونے والوں کے خلاف سخت قانونی کارروائی کرے گی۔
