وزیر اعظم شہباز شریف نے آرمی چیف جنرل سید عاصم منیر کے ہمراہ کمبائنڈ ملٹری اسپتال راولپنڈی کا دورہ کیا۔
وزیر اعظم نے معرکہ حق، آپریشن بنیان مرصوص میں زخمی ہونے والے جوانوں اور شہریوں کی عیادت کی اور ان کی بہادری کو خراجِ تحسین پیش کیا۔ وزیر اعظم نے معرکہ حق کے دوران زخمی جوانوں کی بے مثال بہادری، عزم اور فرض شناسی کو سراہا۔
وزیر اعظم شہباز شریف نے کہا کہ جس طرح افواجِ پاکستان اور پوری قوم نے یہ جنگ لڑی، اس کی مثال کہیں نہیں ملتی۔ انہوں نے کہا کہ عوام کی ثابت قدمی، ملک کی عسکری تاریخ کا ایک فیصلہ کن باب بن چکی ہے۔
