پاکستان نے چیمپیئنز ٹرافی 2025 میں بھارت کے میچز سری لنکا میں کرانے پرغور شروع کر دیا۔
میڈیا رپورٹس کے مطابق آئی سی سی چیمپیئنز ٹرافی کے حوالے سے نئی پیش رفت سامنے آئی ہے کہ پاکستان کی جانب سے بھارت کے میچز سری لنکا میں کرانے پرغور کیا جا رہا ہے اور میچز دبئی کے بجائے ممکنہ طور پر کولمبو میں کرائے جاسکتے ہیں۔
خیال رہے کہ اس سے قبل بھارتی میڈیا کا دعویٰ سامنے آیا تھا کہ چیمپئنز ٹرافی فیوژن فارمولے کے تحت ہوگی اور اس کا میزبان پاکستان ہو گا لیکن فیوژن فارمولے کے تحت بھارتی ٹیم اپنے میچز دبئی میں کھیلے گی۔
چیمپئنز ٹرافی کے آفیشنل شیڈول کا اعلان ایک دو روز میں متوقع ہے اور ایونٹ کے دس میچز پاکستان جبکہ تین میچ دبئی میں ہونگے، ایک سیمی فائنل اور فائنل بھی دبئی میں ہوگا۔
