وزیراعظم شہباز شریف نے زلزلوں کے متاثرین کی یاد کے عالمی دن کے موقع پر پیغام میں کہا قدرتی آفات کے تباہ کن اثرات کم کرنے کیلئے انفراسٹرکچر کی بہتری ناگزیر ہیں۔
وزیراعظم شہبازشریف نےاپنے پیغام میں کہاکہ عالمی دن کا مقصد متاثرین زلزلہ کے ساتھ اظہار ہمدردی کرنا ہے،پاکستان دنیا بھرمیں زلزلوں اوردیگر قدرتی آفات کے متاثرین سےاظہار یکجہتی کرتا ہے،قدرتی آفات سے بچاؤ کی پیشگی اطلاع کی ٹیکنالوجی اورڈھانچوں کی مضبوطی ضروری ہے
وزیراعظم نےکہا پاکستان میں اکتوبر 2005 کا تباہ کن زلزلہ قومی یادداشت پر آج بھی نقش ہیں،زلزلے سے 80 ہزار افراد جاں بحق،آزادکشمیر اور خیبرپختونخوا کے 30 لاکھ افراد بے گھر ہوئے،سانحہ 2005ء نے ملک کے انسانی، سماجی اور معاشی سطح پر گہرے اثرات چھوڑے،سانحہ 2005ء قوم کے حوصلے، اجتماعی عزم اور بہادری کی بھی یاد دلاتا ہے۔
