منہااج یونیورسٹی لاہور میں سنٹر آف ریسرچ اینڈ انوویشن ان میری ٹائم افیئرز CRIMA)) کےزیر اہتمام دوسری سالانہ میری ٹائم (ورچوئل)کانفرنس منعقد کی گئی ۔
Pakistan's Maritime Strategy in the Changing Geopolitical Dynamics of the Indian Ocean کے موضوع پر منعقدہ ورچوئل کانفرنس کے افتتاحی سیشن میں وائس چانسلر منہاج یونیورسٹی لاہور پروفیسر ڈاکٹر ساجد محمود شہزاد نےویڈیو لنک کے ذریعے خطاب کیا ۔
اپنے خطبہ استقبالیہ میں انہوں نے مہمانوں کا شکریہ ادا کرتے ہوئے کہا کہ بدلتے ہوئے عالمی تناظر میں مخصوص جغرافیائی محل وقوع کے باعث بحر ہند کی جیوپولیٹیکل اہمیت مسلمہ ہے خطے میں سمندری امور کو درپیش چیلنجز سے نبرد آزما ہونے کے لیے تمام ممالک کو مل کر کام کرنا ہوگا۔
انہوں نے مزید کہا کہ منہاج یونیورسٹی لاہور میں قائم سنٹر آف ریسرچ اینڈ انوویشن ان میری ٹائم افیئرز CRIMA)) کا بنیادی مقصد سمندری شعبے میں ریسرچ کے فروغ کے ساتھ ساتھ عوام بالخصوص نوجوان نسل میں اس شعبے کے حوالے سے شعور اجاگر کرنا ہے ۔
کانفرنس کے افتتاحی سیشن میں ڈائریکٹر CRIMA)) ڈاکٹر محمد اشفاق نے شرکاء کو کانفرنس کے اغراض و مقاصد کے ساتھ ساتھ سنٹر آف ریسرچ اینڈ انوویشن ان میری ٹائم افیئرز کی دو سالہ شاندار کارکردگی کے حوالے سے تفصیلی طور پر آگاہ کیا۔
کانفرنس کے افتتاحی سیشن میںچیئرپرسن ڈیپارٹمنٹ آف ڈیفنس اینڈ سٹریجیٹک سٹڈیز (QAU)پروفیسر ڈاکٹر شبانہ فیاض،ایسوسی ایٹ پروفیسر بحریہ یونیورسٹی اسلام آباد ڈاکٹر حسن دائود بٹ ،اور ہیڈ گورنمنٹ ریلیشنز اینڈ سیکورٹی اینگرو گروپ ڈاکٹر شاہد اسلم مرزا سمیت دیگر محققین اور سکالرز نے سمندری سیکورٹی، قوانین ،حکمت عملی اور بحر ہند کی موجودہ جیوپولیٹکل صورتحال پر اپنے خیالات کا اظہار کیا ۔
ورچوئل کانفرنس میںڈپٹی ڈائریکٹر CRIMA)) ڈاکٹر عظمیٰ ناز، اسسٹنٹ ڈائریکٹرڈاکٹر وقاصیہ نعیم ، رابعہ شفیق ،اقراء منظور ،کامران ہاشمی ، ارم زاہد، شبنم گل اور دیگر نے ویڈیولنک کے ذریعے حصہ لیا۔
کانفرنس میں دو ٹیکنیکل سیشنز بھی ہوئے جس میں 21 طلباء و طالبات نے موضوع کے حوالے سے اپنےریسرچ پیپر ز بھی پیش کیے۔
سنٹر آف ریسرچ اینڈ انوویشن ان میری ٹائم افیئرز (CRIMA) کیا ہے؟
بحری امور میں تحقیق اور جدت کا مرکزسنٹر آف ریسرچ اینڈ انوویشن ان میری ٹائم افیئرز (CRIMA) 8جون 2021 کو منہاج یونیورسٹی لاہور میں قائم کیا گیا تھاسمندری امور ایک ابھرتا ہوا تعلیمی میدان ہے جو سماجی اور سائنسی علوم کی متعدد جہتوں کا احاطہ کرتا ہے سنٹر آف ریسرچ اینڈ انوویشن ان میری ٹائم افیئرزکا مقصد سمندری تحقیق اور جدت کو فروغ دینا ہے تاکہ پاکستان کے سمندری وسائل کو قومی ترقی کے لیے استعمال کیا جا سکے۔ سینٹر پاکستان کے میری ٹائم سیکٹر کے لیے نئی پالیسی سازی اور معیاری تحقیق اور قابل اعتماد شماریاتی معلومات کے لیے اکیڈمیا سے قابل قدر معلومات فراہم کرتا ہے۔
Crima Flyer Dr Uzma Naz by Farhan Malik on Scribd
CRIMA بنیادی طور پر سمندری معاملات جیسے حفاظت اور سلامتی، بندرگاہیں اور جہاز رانی، سمندری ماحولیات، روزگار اور تجارت، ساحلی انفراسٹرکچر کی ترقی، قابل تجدید توانائی، سمندری حیاتیات کا تحفظ، سمندری کان کنی، ضابطے اور پالیسیاں اور سمندری سیاحت پر توجہ مرکوز کرتا ہے۔
