بھارت کے دارالحکومت نئی دہلی شہر کے چانکیہ پوری کے علاقے میں اسرائیلی سفارت خانے کے قریب ایک بم دھماکا ہوا ہے۔
بھارتی میڈیا کے مطابق دہلی پولیس نے فوری طور پر معاملے کی تحقیقات شروع کر دی ہیں دہلی فائر سروسز کے ڈائریکٹر اتل گرگ نے کہا اب تک اس مقام پر کچھ نہیں ملا ہے۔
اسرائیلی سفارتخانے کے ترجمان نے واقعے کی تصدیق کرتے ہوئے قریبی علاقے میں زور دار دھماکے کی تصدیق کی ترجمان نے صحافیوں کو بتایاکہ ہاں ایک واقعہ ہوا ہےہمیں ابھی تک یقین نہیں ہے کہ یہ اصل میں کیا ہےپولیس اور ہماری سیکورٹی ٹیم معاملے کی تحقیقات کر رہی ہے۔
اسرائیلی وزارت خارجہ کے مطابق ہے اس واقعے کے دوران سفارت خانے کے کسی عملے کو کوئی نقصان نہیں پہنچا۔بھارتی اور اسرائیلی ایجنسیاں اس معاملے کی تحقیقات اور سفارتی مشنوں کی حفاظت کو یقینی بنانے کے لیے قریبی تعاون کر رہی ہیں۔
ریزرو بینک آف انڈیا (آر بی آئی) کو ایک دھمکی آمیز ای میل موصول ہوئی ہے جس میں مالیاتی دارالحکومت میں 11 بم دھماکے کرنے کی منصوبہ بندی کی گئی ہے ایچ ڈی ایف سی بینک اور آئی سی آئی سی آئی بینک سمیت ممتاز بینکوں کو ممکنہ اہداف کے طور پر درج کیا گیا تھا بھیجنے والے نے مرکزی وزیر خزانہ نرملا سیتا رمن اور آر بی آئی کے گورنر شکتی کانتا داس کے استعفیٰ کا بھی مطالبہ کیا۔
