پاک افغان سرحد کے چمن سیکٹر پر فتنہ الخوارج کی دراندازی کی کوشش پاک فوج نے ناکام بنا دی۔ ایک دہشتگرد کو ہلاک کردیا گیا دیگر زخمی حالت میں فرار ہوگئے۔
سیکیورٹی ذرائع کے مطابق پاک افغان بارڈر پر چمن سیکٹر سے ملحقہ سرحدی علاقے میں 3 سے 4 خوارج پر مشتمل تشکیل کی دراندازی کو پاک فوج نے ناکام بنایا۔ باڑ کاٹنے والے خوارج کو پاک فوج نے مؤثر طریقے سے نشانہ بنایا، اس دوران جھڑپ میں میں ایک خارجی دہشتگرد ہلاک اور دیگر زخمی حالت میں فرار ہوگئے۔
خارجی 4 سے 5 تیار شدہ آئی ای ڈیز اور باڑ کاٹنے کا سامان چھوڑ کر بھاگ گئے ۔ سیکیورٹی فورسز نے یہ سامان اپنی تحویل میں لے لیا۔
