کراچی میں گل پلازہ میں بھڑکے شعلے 24 گھنٹے بعد بھی نہ بجھائے جاسکے۔ اب تک فائرفائٹر سمیت 6 افراد جاں بحق جبکہ 30 سے زائد زخمی ہوگئے۔ 60 سے زائد افراد لاپتا ہونےکی تصدیق کردی گئی۔ آگ سے گراؤنڈ اور میزنائن فلور مکمل طور پر جل چکے۔ مخدوش عمارت کے متعدد حصے زمین بوس ہوگئے۔
گل پلازہ میں بھڑکے شعلے 20گھنٹے بعد بھی بجھائے نہ جاسکے، آتشزدگی سے 6 افراد جاں بحق جبکہ 30سے زائد زخمی ہوگئے۔ آگ سے گل پلازہ کاگراؤنڈ اورمیزنائن فلور مکمل طورپرجل چکا، آتشزدگی سےمتاثرہ عمارت کے متعدد حصےزمیں بوس ہوگئی، سیکڑوں دکانداروں کی برسوں کی کمائی جل کر راکھ ہوگئی۔
سانحے میں 60 سے زائد افراد لاپتا ہونے کی تصدیق کردی گئی۔ ڈی سی آفس میں لاپتا افراد کے لئے ڈیسک قائم کردیا گیا۔ جہاں درجنوں فیملیز نے پیاروں کی گمشدگی کی شکایات درج کرادیں۔
شاپنگ مال میں کام کرنے والا عارف کل رات سے لاپتا ہیں، شادی کی خریداری کیلئے آئی ایک ہی خاندان کی4خواتین لاپتا ہیں۔ عینی شاہدین کے مطابق بیسمنٹ اوراندرونی حصے سے آوازیں آ رہی ہیں۔
مجموعی طور پر 3 اسنارکلز، 2 باؤزرز اور 14 فائر ٹینڈرز آگ بجھانے کی کوششوں میں مصروف ہیں۔ فائر فائٹرز کے لیے ہر اگلے منٹ ایک نئی آزمائش ہے، کیونکہ آگ سے نہیں موت سے مقابلہ جاری ہے۔
پاک فوج اور ایف ڈبلیو او کی مشینری اور دستے امدادی کارروائی میں شریک ہیںِ، اسپیشل انجینئرنگ ٹیم بھی امدادی سرگرمی میں حصہ لینے کیلئے تیار ہیں۔ پاک فوج کی جانب سے ریسکیو آپریشن میں بھرپورمددفراہم کی جارہی ہے۔
تاجر رہنما عتیق میر کا کہنا ہے کہ کراچی کے گل پلازہ میں آگ سے تاجروں کا تقریباً 3 ارب روپے کا نقصان ہوا ۔ ہر دکان میں 25 سے 30 لاکھ روپے کا مال تھا ۔ شادیوں کا سیزن ہے اور عید قریب ہے ۔ حکومت متاثرہ تاجروں کےلیے بولٹن مارکیٹ طرز کے پیکج کا اعلان کرے ۔ کہا شہر میں کل یوم مذمت اور یوم سوگ منایا جائے گا۔
