خیرپور میں سیشن جج کی گاڑی پر ڈاکؤوں کی فائرنگ، اسکواڈ میں شامل ایک اہلکار شہید اور دو اہلکار زخمی ہوگئے، سیشن جج محفوظ رہے۔
تفصیلات کےمطابق ٹنڈو مستی کے قریب لاڑکانہ روڈ پر پیر احمد کے مقام پر نامعلوم ڈاکؤوں نے سیشن جج سمکان احمد کی گاڑی پرفائرنگ کی جس کے نتیجے میں اہلکارمقبول احمد شیخ موقع پر شہیدہوگئےجبکہ اہلکار اقبال ملانو،صغیر احمد شدید زخمی ہوگئے۔
اسکواڈ میں شامل اہلکاروں کی جوابی فائرنگ سے ملزمان فرار ہوگئے،شہید اور زخمی اہلکاروں کا تعلق لاڑکانہ سے ہے، واقعے کی اطلاع ملنے پر ایس ایس پی حسن سردار نیازی موقع پر پہنچ گئے، جبکہ شہید اہلکار کی لاش کو ان آبائی گاؤں منتقل کردیا گیا ہے۔
رابطہ کرنے پر ایس ایس پی حسن سردار نیازی نے سماء کو بتایا کہ ابتدائی شواہد سے ملزمان ڈاکو تھے جنہوں نے گاڑی روکنے کے لئے فائرنگ کی، علاقے میں سرچ آپریشن جاری ہے،جلد ملزمان کو گرفتار کیا جائے گا۔
