اوکاڑہ میں تیز رفتار ٹریلر نے موٹر سائیکل سواروں کو روند ڈالا جس کے نتیجے میں باپ، بیٹی اور 2 بیٹے موقع پر جاں بحق ہوگئے۔
ریسکیو حکام کے مطابق حادثہ جی ٹی روڈ پر پنجاب کالج کے سامنے اس وقت پیش آیا جب والد بچوں کو اسکول چھوڑنے جا رہا تھا،جہاں تیز رفتار ٹریلر نے موٹرسائیکل کو کچل ڈالا،جس کے نتیجے میں ایک ہی خاندان کے چار افراد موقع پر جاں بحق ہوگئے،جاں بحق ہونے والوں میں محمد ندیم اور ان کے تین بچے 10 سالہ آریان، 8 سالہ ایان اور 6 سالہ عائزہ شامل ہیں۔
پولیس نےمفرور ڈرائیور کو گرفتار کرکے ٹریلر کو تحویل میں لےلیا،المناک حادثےپر وزیراعلی پنجاب مریم نواز نے افسوس کا اظہار کیا ہے۔
