لبنانی مسلح افواج کے کمانڈر اِن چیف جنرل روڈولف ہائیکل نے جی ایچ کیو کا دورہ کیا جہاں پر انہوں نے فیلڈ مارشل سید عاصم منیر سے ملاقات کی۔
پاک فوج کے شعبہ تعلقات عامہ آئی ایس پی آر کےمطابق جنرل روڈولف ہیکال نے فیلڈمارشل سید عاصم منیر سےملاقات کی،ملاقات میں دفاعی تعاون،باہمی عسکری تعلقات اورخطےکی سیکیورٹی صورتحال پر تفصیلی تبادلہ خیال کیاگیا،دونوں عسکری رہنماؤں نےپیشہ ورانہ روابط اورتربیتی تعاون کو مزید فروغ دینے کے عزم کا اظہار کیا۔
اس موقع پر فیلڈ مارشل سید عاصم منیر نےکہاکہ پاکستان لبنان کےساتھ اپنےدیرینہ اور خوشگوار تعلقات کو انتہائی اہمیت دیتا ہے اورلبنانی مسلح افواج کے ساتھ دفاعی تعاون کو مزید وسعت دینے کے لیے پرعزم ہے۔
آئی ایس پی آر کےمطابق لبنانی آرمی چیف جنرل روڈولف ہیکال نے پاکستان کی مسلح افواج کی پیشہ ورانہ مہارت اور آپریشنل صلاحیتوں کو سراہتے ہوئےعلاقائی امن و استحکام اوربین الاقوامی امن کے لیے پاک فوج کے کردار کا اعتراف کیا۔
آئی ایس پی آر کےمطابق یہ دورہ دونوں مسلح افواج کے تعاون کو فروغ دینے کے مشترکہ عزم کا عکاس ہے۔
