اقوامِ متحدہ میں ایرانی سفیر امیر سعید ایروانی نے اعتراف کیا ہے کہ امریکا کے ساتھ مذاکرات میں پیش رفت ہو رہی ہے۔
اقوامِ متحدہ میں ایران کےسفیر امیرسعید ایروانی نے اپنے بیان میں کہا امریکا کے ساتھ کسی معاہدے تک پہنچنے کے لیےدونوں ممالک کے درمیان رابطے اورتبادلہ خیال کا سلسلہ جاری ہے،ایران اور امریکا پاکستان کے ذریعے اپنےخیالات اور تجاویز کا تبادلہ کر رہے ہیں تاکہ معاہدے کے حتمی متن پر اتفاق کیا جا سکے۔
مزیدکہا ابھی تک دونوں ممالک حتمی متن پر نہیں پہنچے،تاہم اس مقصد کے حصول کے لیےکوششیں جاری ہیں،مذاکرات میں پیشرفت ہو رہی ہے،لیکن ابھی معاہدے کی آخری شکل طے نہیں ہوئی اور فریقین بات چیت کے عمل کو آگے بڑھا رہے ہیں۔
