پاکستان تحریک انصاف ( پی ٹی آئی ) کا کہنا ہے کہ 24 نومبر سے شروع ہونے والی تحریک اہداف حاصل ہونے تک جاری رہے گی۔
تحریک انصاف کے گزشتہ رات ہونے والے سیاسی کمیٹی کے اجلاس کا اعلامیہ جاری کر دیا گیا ہے جس میں کہا گیا کہ ہر شہر سے قافلے اسلام آباد کی طرف اپنے سفر کا آغاز کریں گے، عوام اور کارکنان پُرامن احتجاج میں شرکت کرکے اسے کامیاب بنائیں۔
اعلامیہ کے مطابق یہ تحریک اہداف حاصل ہونے تک جاری رہے گی اور مطالبات میں قید پارٹی رہنماؤں ، کارکنوں اور بانی پی ٹی آئی کی رہائی شامل ہے۔
سیاسی کمیٹی کے مطابق 8 فروری کے الیکشن کے حقیقی مینڈیٹ کی بحالی کا مطالبہ بھی شامل ہے۔
سیاسی کمیٹی کی جانب سے ملک کی بگڑتی معاشی صورتحال اور دہشتگردی کے بڑھتے واقعات پر اظہار تشویش بھی کیا گیا۔
