پنجاب میں سزا یافتہ قیدیوں کو انکے متعلقہ ضلع کی جیل میں رکھنے کا اصولی فیصلہ کرلیا گیا۔
محکمہ داخلہ پنجاب نے سزا یافتہ قیدیوں کو اپنے ضلع کی جیل میں رکھنےکی پالیسی بنا لی،قیدیوں کو ضلع کی جیل میں بھیجنے کا طریقہ کار طے کرنے کیلئے کمیٹی تشکیل دیدی،محکمہ داخلہ پنجاب کا کہنا ہےکہ کمیٹی ایک ہفتے میں اپنی سفارشات اور لائحہ عمل طے کریگی،ماضی میں 5 سال سےزائد قیدکی سزا پانےوالوں کوسینٹرل جیلوں میں رکھا جاتا تھا۔گھر سےدور قید کاٹنے والےقیدیوں کے والدین اوراہل خانہ کو مشکلات کاسامناتھا۔
سابقہ پالیسی کے پیش نظرسینٹرل جیلوں میں گنجائش سے زائد قیدیوں کو رکھا جا رہا تھا،حکومت پنجاب کے حالیہ اقدامات سے ڈسٹرکٹ جیلوں کی سیکیورٹی کو بھی بہتربنایا گیا ہے،ڈسٹرکٹ جیلوں میں قیدیوں کو رکھنےکی گنجائش بھی موجود ہے،سزائے موت کے قیدیوں کو پہلے ہی متعلقہ اضلاع کی جیلوں میں رکھا جارہا ہے،تمام ڈسٹرکٹ جیلوں میں انڈسٹری لگائی جا چکی ہے اور قید بامشقت دی جاسکتی ہے۔
